دكتور عصام شرف .. مش هنمضي لحد علي بياض

جه الدكتور عصام شرف و انا الحقيقة مخترتوش و مكنتش اعرفه و لكن لما لقيت القبول الشعبي الواسع في ميدان التحرير رضيت بيه و استبشرت خير لكن قلقت عشان كان وزير و كان في لجنة السياسات .. ثم اتشكلت وزارة فيها وشوش كالحة من النظام القديم
و وزارة الداخلية وزيرها مش قاضي مدني ولاحاجة و جاب لوا كان محافظ و كان مدير امن .. يعني بصراحة شيء مش مستلذ خالص
و بعدين الدكتور عصام اللي جه من الاعتصام و من المظاهرات بيطلع قانون يجرم اللاعتصام
يقولوا ده ف حالات خالصة ف حالات الثورة المضادة مبناكلش م الكلام ده خلاص
بصراحة باستثناء التوجه اللي كان فيه تحذير لاسرائيل من العدوان علي غزة و التوجه اللي فيه تعاون مع السودان و حركة تحسين العلاقة مع ايران .. شيء حلو و الباقي زي القرف ..
زي القرف قانون ارهابي لتجريم الاعتصام .. الناس مش غاوية تعتصم و تبيت بره و مش غاوية تطلع في المظاهرات شيلو الوشوش الكالحة و الخلق المالحة اللي م النظام القديم و شاعتها الناس هتروح بنفس مفتوحة و تشتغل و تنتج لكن تسيبوا الخلق القديمة دي بتاعة الحزب الوطني يبقي شيئ مريب و يخلي الجاموسة تلعب في عب الواحد
كمان حل أمن الدولة و تسميته باسم قطاع الامن الوطني .. ايه الغباوة دي طب غيروا الاسم .. ده نفس الاسم اللي تم اقتراحه في الوثيقة اللي اتهربت من امن الدولة بعد الناس ما اقتحمته
ايه الغباوة دي ؟؟ امن الدولة لا زال لكن الناس مش زي الاول .. الناس فاقت و صحيت  عرفت ان السكوت = موت
خلاصة الكلام انا بتمني ان عصام شرف يعمل حاجة تبل الريق مش كلام و لا حوارات معدناش ناكل م الكلام ده
لا يعمل قرارات فعلا ...
اه نسيت تعيين ساهي مياس حرامي الاثار وزيرا للاثار ..
مش هنطالب بعزل الموميا ده مش كل شوية يبلونا بواحد و يصبح مطلب من مطالبنا ..
ده اقل من كده حرامي الاثار ده احنا شكلنا هنطالب بعزل الليس عمال يلعب في المجلس العسكري عشان ميتكشفش ..
الراس اما تقع .. المياسين و الديول بتقع
كمان النائم العام ... سادة النائم السام .. شكل الدور عليك يا حلو ...